Presidenti i Shteteve të Bashkuara, Donald Trump ka mbërritur sot në Japoni, në kuadër të një turi në Azi, ku pritet të zhvillojë edhe një takim me homologun e tij rus, Vladimir Putin.
Trump deklaroi për gazetarët se pret që të takohet me Putinin gjatë turneut të tij 12 ditor në Azi, që do të përfshijë vizitat në Korenë e Jugut, Kinë, Vietnam dhe Filipine. “Pritet që të takohem me Putin”, tha Trump.
“Duam ndihmën e Putinit në Korenë e Veriut dhe do të takohemi me shumë liderë të tjerë”, shtoi ai. Kriza bërthamore e Koresë së Veriut pritet të jetë tema kryesore në bisedimet e liderëve, gjatë vizitës së Trumpit në Azi, që do të fillojë me vizitën në Japoni, me kryeministrin Shinzo Abe.
