Telekom Albania deklaroi partneritetin me Kombet e Bashkuara me qëllim nxitjen e veprimeve dhe arritjes së Objektivave të Zhvillimit të Qëndrueshëm në Shqipëri.
Sipas njoftimit, do të punohet konkretisht për t’i kthyer në realitet Objektivat Globale.
Njoftimi:
Kombet e Bashkuara dhe Telekom deklarojnë partneritetin për një shtysë të axhendës së Objektivave Globale në shqipëri
Tiranë, 1 nëntor 2017: Agjencitë e Kombeve të Bashkuara në Shqipëri dhe Telekom Albania kanë nisur një partneritet për të nxitur veprimet drejt arritjes së Objektivave të Zhvillimit të Qëndrueshëm në Shqipëri.
Kombet e Bashkuara dhe Telekom Albania do të punojnë së bashku për rritjen e ndërgjegjësimit dhe gjenerimin e mbështetjes për Objektivat Globalë, ndërkohë që do të zbatojnë veprime konkrete për t'i kthyer në realitet këto Objektiva Globalë. Kombet e Bashkuara dhe Telekom kanë bashkuar përpjekjet për t'i sjellë OZHQ-të më pranë studentëve, mësuesve, bizneseve, botës akademike dhe komuniteteve në përgjithësi. Fushata ka për qëllim angazhimin e njerëzve që të bëhen pjesë e zgjidhjes.
