Kryeministri Edi Rama e ka komentuar braktisjen e mbledhjes së Konferencës së Kryetarëve nga anëtarët opozitës. Largimi i tyre ndodhi gjatë diskutimit të projekt Buxhetit të Shtetit për vitin 2018.
Ndërkohë, Rama në një status në Facebook, shprehet se “Do donim debat me përgjegjësi për Projekt-Buxhetin2018 po kemi vetëm ftesën e vjetër për sherr politik! Politika jonë është puna jo sherri”.
Nga ana tjetër largimi i PD-së nga mbledhja është justifikuar me çështjen ‘Tahiri’ duke hedhur akuza ndaj qeverisë si të lidhur me krimin.
Ndërsa Taulant Balla tha se i vjen keq per PD dhe jo për LSI që i shkon nga mbrapa. Ndërsa për bojkotin e opozitës, Balla tha se janë shqiptarët ata të cilët do ta gjykojnë.
