Pavarësisht përgjimeve që italianët kanë kryer, tonelatave me hashash dhe armëve të sekuestruara, Moisi Habilaj mohon të gjitha akuzat në Itali. Ai u paraqit mëngjesin e të martës në ambjentet e Gjykatës së Rivlerësimit të Katanias për ankimim. Top Channel publikoi pamjet e kushëririt të Saimir Tahirit, me pranga në duar, ndërsa ecën në korridoret e gjykatës, i shoqëruar nga karabinierët.
6 të arrestuarit e “Grupit Habilaj” nuk i pranojnë akuzat për trafik ndërkombëtar të drogës.
Prokuroria e Katanias njoftoi arrestimin në Shqipëri të Nezar Seitit. Bien ë sy që italianët i dërguan materialet direkt në Prokurorinë e Përgjithshme shqiptare për arrestimin e Nezar seitit, duke treguar edhe njëherë mosbesimin tek Ministria e Brendshme dhe Policia e Shtetit. Në bazë të këtyre informacioneve u kap një sasi prej 4 tonësh hashash në Babicë.
