Duket se shija e hidhur e etiketimit që i bëri Rama si “dru i shtrembër”, i ka mbetur ende Saimir Tahirit. Gjatë intervistës me Sokol Ballën në Top Story, Tahiri nuk dha asnjë shenjë mirënjohjeje për Ramën, që bllokoi arrestimin, përkundrazi u duk i pakënaqur për etiketimet.
“Unë nuk kam dëshirë të komentoj sepse deklaratat e çdokujt prej nesh përfshirë dhe Ramën duhen lexuar në kontekstin e madh. Pavarësisht se disa nga gjërat që kam lexuar unë do i bëja ndryshe por kjo varet nga mënyra si e kupton gjithsecili politikën” - u shpreh Tahiri.
