‘Mother and Child’, kështu titullohet drama e norvegjezit Jon Fosse e cila do të vihen në skenë na regjisori boshnjak, Dino Mustafiç.
Për këtë dramë regjizori ka marrë në cast edhe aktoren Ema Andrea, e cila ka një rol tronditës dhe provokes për publikun.
Vepra është shfaqur mbrëmjen e djeshme në ‘Tulla Center’. Ndërkohë shfaqja ka qenë në kushte sigurie dhe janë hequr kamerat, pasi ka disa skena ku aktorja Ema Andrea zhvishet topless.
Mustafiç në konferencën e mbajtur për mediat ndan shqetësimet që shoqërojnë dhe këtë pjesë të Ballkanit, duke thënë se çdo pyetje që hapet nga shfaqja shndërrohet në mënyrë performative në skenë.
Ndërsa duke shprehur besimin tek aktorët, e sidomos në rastin e Ema Andreas, Mustafiç thotë se publiku ka përballë jo vetëm një akt estetik, por edhe një ngjarje sociale. Marrëdhënia e vlerësuar në këtë rast, nënës dhe të birit, është konsideruar mjaft interesante sidomos për shoqëritë tradicionale.
Nga ana tjetër në një intervistë për emisionin ‘Chic’ në “News24”, Ema Andrea rrëfehu për moderatoren Fjodora Fjora arsyen se pse pranoi që të zhvishej gjysmë nudo, duke zbuluar tërësisht gjoksin në shfaqje.
“Kjo shfaqje do të ndezë debate të mëdha. Unë uroj që edhe nga ana estetike, për teatrin alternativ dhe artin e pavarur, por edhe për temën që trajton të shërbejë. Në art kjo gjë nuk duhej diskutuar. Këtu tek ne këto gjëra diskutohen, në rastin e kësaj shfaqje më duket gjithçka normale; gjiri i nënës që ushqen fëmijën. Nuk mund të mos besoj se kjo është lidhja e parë më e fortë mes nënës dhe fëmijës, midis çdo njeriu, qoftë vend ballkanik apo europian.” - tha Ema Andrea.
Ndërkohë kujtojmë se regjizori Dino Mustafiç ka bashkëpunuar edhe më parë me Andrean në në vepër teatrale shumë provokuese për publikun shqiptar, ku një aktor i ri, Igli Zarka, doli komplet nudo në disa skena.
