Kreu i partisë Ligj dhe Drejtësi, Spartak Ngjela thotë se Prokuroria e Krimeve të Rënda e ka ndihmuar Tahirin dhe se ky institucion është i korruptuar. “Avokat” shprehet se Ramës i kanë bërë presion ndërkombëtarët për çështjen “Tahiri”.
“Prokuroria e ndihmoi Saimir Tahirin, nuk u nxitua. Por ajo që është e rëndësishme ishte se kjo çështje ishte “një pikë uji që ra në një xham të nxehtë”. Xhami është nxehur nga reforma në drejtësi dhe të dyja palët nuk e duan. Kjo çështje plasi në një moment të nxehtë për këtë reformë. Prokuroria bëri një kërkesë normale, por ajo çështje ishte në dorë të ministrit të brendshëm. Nano ka rrëzuar regjimin nga burgu. Pse? Sepse ai ishte i pafajshëm. Politika është betejë. Nëse është i fajshëm lodhet kot, pasi është optikë ndërkombëtare dhe nuk i shpëton dot shteti shqiptar. Ramës i kanë bërë presion ndërkombëtarët të cilët e kanë dashur nën arrest Saimir Tahirin. Prokuroria është një institucion i korruptuar”- tha Ngjela në një intervistë për News24.©LAPSI.al
