Një shqiptar është arrestuar në Spanjë, pasi dyshohet se është autor i rreth 50 grabitjeve në dhomat e hoteleve më luksoze. Në pranga ka përfunduar shqiptari 24-vjeçar që shihni në foto, por identiteti i tij nuk bëhet i ditur. Ai akuzohet se ka vjedhur lap top-ë, ora dhe telefona në dhomat e hoteleve në Majorca, Barcelonë dhe Ibiza. Sipas “The Sun” ai përdorte kombinim të kartave si dhe pajisje elektronike për t’u futur në dhomat e hoteleve. Javën e kaluar ai u pikas nga stafi i një hoteli në Magaluf, por pas përleshjes ai arriti të largohej. Policia arriti të arrestojë 24-vjecarin shqiptar si dhe ka sekuestruar edhe pajisjet që përdorte ai për të grabitur.
