Ndërkohë që makina Audi të cilën ish-ministri Tahiri ia shiti Habiljave nuk është gjetur nga prokuroria, gazetari Basir Çollaku shprehet se ajo ka ndërrruar targë. “Makina është shitur para disa muajsh në qytetin e Vlorës, targa e re sipas burimeve të mija është AA 900 NG”, - shprehet Çollaku.
Makina e shitur tek Habilajt kishte targën AA 003 GB. Gazetari thekson se pronari i ri i mjetit nuk kompromentohet aspak nga lidhja e Audi-t me trafikun, pasi mund të jetë dhe një qytetar i zakonshëm.
Po ashtu, Çollaku thotë se Nazëraj nuk është oficeri i vetëm që ka dijeni në lidhje me Habilajt dhe Tahirin, dhe se ata nuk dëgjoheshin në radhët e drejtuesve.
“Nazëraj qëndroi për gjashtë muaj në burgun e Peqinit, ndërsa hezitonte të fliste për shkak të presionit që kishte mbi familjen e tij. Ai u arrestua për shkak se kishte informacione për ndalimin e ‘Audi’-t, në të cilën ndodheshin vëllezërit Habilaj. Zagani ka pasur një kurajo për t’u përgëzuar pasi ka qenë i pari që ka dëshmuar në lidhje mbi situatën e drogës.” – shprehet ai.
