Ish ministrit të Brendshëm, Saimir Tahiri i ka shkuar një ftesë nga Prokuroria e Krimeve të Rënda, një ditë pasi katër oficeret zbarkuan ne shtëpinë e ish-ministrit. Tahirit i ka mbërritur ftesa nga prokurori Besim Hajdarmataj për t’u paraqitur në Prokurori.
Ditën e djeshme Prokuroria e Krimeve të Rënda kontrolloi gati për dy orë shtëpinë e ish-ministrit. Ishte votimi i ditës së mërkurë në Kuvend ai që i hapi rrugë këtij kontrolli nga Prokuroria, por kërkesa për arrestimin nuk u lejua nga mazhoranca.
Pas publikimeve të përgjimeve nga autoritetet italiane të bandës së Habilajve, përmendej edhe emri i Tahirit, gjë e cila bëri që Prokuroria brenda 48 orëve të kërkonte arrestimin ish-ministrit, si dhe kontrollin e pasurisë dhe banësës së tij .
