Ka reaguar menjëherë kryeministri Edi Rama për deklaratën e dhëne vetëm pak me parë nga ana e ambasadorit amerikan në vendin tonë, Donald Lu.
“Faleminderit Don! Një mesazh i qartë për shqiptarët që duan drejtësi, jo gjyqe komuniste për këdo që kanë votuar a paguar me taksat tyre” - shkruan Rama ne faqen e tij ne FB.
Ndërkohë më herët ambasadori amerikan Donald Lu u shpreh se “Publiku duhet të dijë të vërtetën për çështjen Tahiri. Nëse është pa faj, duhet ta dini, nëse ka faj, duhet të përballet me drejtësinë. Në 27 vite shumë politikanë i kanë shpëtuar drejtësisë. Jeni duke parë si po shkruhet historia. Në komunizëm dërgoheshin të pafajshëm në burgje”.
Gjithashtu, Lu shprehet se në 27 vite shumë politikanë i kanë shpëtuar drejtësisë, deklaratë kjo që siç duket i ka shpëtuar pa lexuar Ramës.
Më herët ambasadori Lu ëhtë shprehur se vendi ynë kontrollohet nga 4 banda të mëdha dhe nga 20 familje kriminale, deklarata të cilat Rama i urren kur ia përmendin ‘mediat e kazanit’.
