Edi Ramës po i shijon loja luftash që i ka hapur gazetarëve për sa kohë që flitet më pak për “bëmat” e Saimir Tahirit dhe Habilajve. I përsëriti sharjet banale për gazetarët edhe në një aktivitet për investimet e huaja. Televizionet do ia trasmetojnë sharjet fjalë për fjalë, ndërsa një pjesë e portaleve do i përgjigjen flakë për flakë. Por një prej zërave më të rëndësishëm për çështjet ekonomike, Revista Monitor e bojkotoi sot kryeministrin. Gazetarja e revistës e ndoqi aktivitetin për investimet e huaja.
“Fjalën e Ramës në aktivitet do ta pasqyronin, por në momentin që foli me atë gjuhë, e ndërpremë punën” tha Ornela Liperi, kryeredaktore e Revistës Monitor.
Në përgjithësi, Edi Rama nuk është objekt i punës së revistës ekonomike, për faktin se rrallë bën lajm në këto çështje.
“Por përderisa kryeministri s’ka respekt për mediat, s’kemi pse e respektojme as ne” shtoi Liperi, për Lapsi.al.
