Kur vjen puna te trendet e modës, Rita Ora nuk njeh kufijë. Mirëpo kjo i ka kushtuar një vakt të mirë këngëtares në një prej restoranteve më të famshëm në Londër. E ftuar në “The Jonathan Ross Show” krah këngëtarit Ed Sheeran dhe shefit të kuzhinës Gordon Ramsay, Rita ka zbuluar se ajo është dëbuar pikërisht nga restoranti i cili është në pronësi të shefit Gordon Ramsay. “Hyra brenda dhe mendova se do të haja diçka të shijshme në atë restorant”-kujton Rita -“Por ata mu drejtuan duke thënë se nuk mund të futesha në restorant e veshur me tuta, sepse kodi i veshjes së restorantit nuk e lejonte këtë.” Shef Ramsay ka insistuar të dijë se për cilin restorant të tijin bëhej fjalë, por Rita nuk pranoi të tregonte pasi kjo do t’i rrezikonte vendin e punës stafit të restoranit.
