“Cili prej jush do pranonte që pronari ta çonte në burg me idenë që mbase dikush nga ju ka vjedhur ndonjë mikrofon? Cili?” Kjo ka qenë një ndër fjalitë e shumta me të cilën Edi Rama u është drejtuar gazetarëve, duke bërë një krahasim me atë që po ndodh me Tahirin me këtë shembull.
Rama në këtë pikë bën një paralelizëm të pavendtë duke u krahasuar me pronarët privatë të televizioneve. Kështu, ai duket se e sheh veten si një pronar të qeverisë, i cili vendos se kush duhet të shkojë dhe kush nuk duhet të shkojë në burg. Në këtë mënyrë Rama merr rolin e gjykatës.
Këtë qëndrim ai e përforcon se këtë gjë nuk e vendos gjykata, por Kuvendi dhe Komisioni i mandateve, të cilat përbëhen në shumicë nga deputetët e PS.
Rama u nxori inatin gazetarëve të cilët po e bezdisnin me pyetje për çështjen ‘Tahiri’. Ai nuk u përmbajt fare, por degjeneroi në oferndime ndaj tyre.
Siç duket për ‘pronarin’ e qeverisë, gazetarët e kanë fajin. Por gazetarët ishin ata që ia mbyshën Ramës parlamentin me kriminelë? Gazetarët ishin ata që ia lidhën ish-ministrin e Brendshëm me trafikanë droge? Gazetarët ishin ata që e mbollën kanabis në të gjithë vendin?
Ramës i ka plasur në dorë bomba e Tahirit dhe fajëson kë të mundë, gazetarët, opozitën, drejtësinë, madje edhe prokurorët.
