Kryeministri Edi Rama flet jashtë sallës së Parlamentit dhe kapet me gazetarët. Ai thotë se pyetjet e tyre burojnë nga padituria dhe duhet t’ju vijë turp për ato që deklarojnë. Ndërkohë që mësohet se Ramës ia kanë hequr mikrofonin disa gazetarë për ofendimet që ka lëshuar kundrejt tyre.
“Këtu nuk bëhet fjalë për imunitetin, por për një gjë ekstreme, arresti me burg. Ju jeni më të pafajshmit në këtë situatë, po ata kokat e mëdha që tundin dynjanë në katundin mediatik. Jeni keq të paditur, flisni përçart. Ju jeni per t’u qarë hallin dhe une ju përgjigjem si ma do e bardha zemer. Mos u ofendoni fare se ju e ulni dhe ngrini këdo si ju teket edhe kujtoni se askush nuk ka të drejtë tu thotë se jeni pjesë e një kazani të madh. Jam këtu për tu marrë me ju dhe tu them që duhet ti thërrisni mendjes dhe të lexoni dhe të kuptoni ju dhe ata që ju paguajnë ju dhe që janë edhe më shumë problemi. Është e drejta jotë që ti të vazhdosh mos të ndryshosh së bëri budallain” – u shpreh Rama.
