Mediat raportuan në fundjavë një takim urgjent të kryeministrit Rama me ministrin e Brendshëm, Fatmir Xhafaj.
Ishte kryeministri që kishte shkuar në zyrën e tij. Anjë nga dikasteret nuk bënë njoftim për shtyp mbi arsyet.
Një ditë më vonë Rama u shfaq sërish në krah të Xhafës në ministrinë e Brendshme në një takim me drejtuesit e policisë.
A u diskutua ditën më parë mbi këtë aktivitet apo kreu i qeverisë dhe ministri i besuar i tij folën për çështjen e nxehtë Tahiri - Habilaj, pikërisht ditën e dytë të mbledhjes së Komisionit të Mandateve?
Sali Berisha thotë se Rama shkoi në zyrën e Xhafajt për të identifikuar dëshmitaren që kishte dalë kundër Tahirit.
Sipas tij, Blendi Çuçi, anëtar i komisionit, kishte fotografuar dëshminë dhe foton e dëshmitares dhe ia dërgoi kryeministrit.
Më pas Rama ka dashur ta diskutojë këtë detaj personalisht me Xhafajn.
"Informoj Kuvendin dhe shqiptarët, se njeriu që ka shitur dëshmitarin e mbrojtur të Prokurorisë, oficeren e Policisë, ka vetëm një emër dhe ai është Edvin Kristaq Habili, i cili, pasi mori foton nga Bledi Habili (Çuçi), pasi mori foton e dokumentave, shkoi me vrap në zyrën e Fatmir Xhafës dhe atje identifikuan personin, tradhëtuan duke shkelur sekretin më të rëndë shtetëror. sb", shkruan Berisha në faqen e tij në Facebook.
Versioni i nxjerrjes së sekretit hetimor nën betim nga deputeti dhe ish -ministri Çuçi u denoncua mbrëmë në Opinion nga gazetarja e kronikës, Klodiana Lala, por Çuçi e mohoi. /Lapsi.al
