Biznesmeni Kastriot Ismailaj është dënuar me 11 vjet burg. Ky ka qenë vendimi i Gjykatës së Tiranës pas një seancë maratonë. Ismailaj akuzohej për një skemë gjigande mashtrimi me borxhet e ish-kompanisë CEZ.
Vendimi për Ismailajn vjen pas një procesi gjyqësor gati 1-vjeçar.
Prokuroria nga ana tjetër kishte kërkuar dënimin e Ismailajt me 15 vjet burgim. Ndërkohë në llogari të shtetit shqiptar kanë kaluar pronat e Ismailajt.
Me vendim të Gjykatë janë sekuestruar një llogari me 3 milionë dollarë, një llogari me 451 mijë euro dhe një llogari tjetër me 12 milionë lekë të reja. Ismailaj njihet gjithashtu edhe si një njeri i afërt i Ilir Metës.
©LAPSI.al
