Në daljen e sotme para mediave, ish-ministri i Brendshëm, Saimir Tahiri nuk i shpëtoi dot pyetjes së gazetarëve për vlerën e syzeve të tij.
Kjo u bë çështje pas denoncimit të Sali Berishës, i cili tha se syzet e Tahirit kushtojnë 5 mijë euro dhe ja kanë bërë dhuratë Habilajt.
Ndërsa sipas një verifikimi në internet të Lapsi.al vlera e syzeve të markës Maybach Manifactur shkon në 10 mijë euro.
“Asgjë në pasurinë time nuk kushton aq sa thotë Sali Berisha, kjo gjë është lehtësisht e verifikueshme. Më duket shumë banale për ta vazhduar këtë bisedë”, u përgjigj Tahiri.
© LAPSI.al
