"Prokuroria e Katanias nuk ka gjetur asnjë detaj që të nisë një procedim penal ndaj meje, por si ka mundësi që prokuroria jonë, me letra, brenda 48 orëve kërkoi arrestimin tim?"
Kështu u shpreh para pak minutash ish-ministri Tahiri në daljen e paralajmëruar për mediat. Deputeti Saimir Tahiri ka bërë publik sot një dokument që e ka siguruar nga Prokuroria e Katanias në Itali, e cila ka hetuar për 4 vjet bandën e Habilajve, dhe rezulton se nuk është hetuar në asnjë moment shtetasi me emrin Saimir Bashkim Tahiri.
Gjithashtu Tahiri tha se prokuroria e Katania nuk kërkoi arrestimin e tij edhe pse hetoi për 4 vite bandën e Habiljave, ndërkohë që sipas tij prokurorisë së krimeve të rënda në Shqipëri iu deshën vetëm 24 orë për ta bërë këtë.
Ky është dokumenti që ish-ministri i Brendshëm thotë se e ka siguruar nga autoritetet italiane.
