Fëmija i tretë i familjes mbretërore britanike pritet të lindë në prill dhe kanë nisur zyrtarisht bastet për gjininë e bebit. Pas një shkëputjeje të shkurtër nga daljet publike, Kate Middleton u rikthye duke treguar një formë perfekte. Janë të shumta mediet që përpiqen të kuptojnë përmes veshjeve të dukeshës nëse do të jetë djalë apo vajzë.
Në daljen e parë, Kate Middleton kishte veshur një fustan bojë qielli me tyl “Temperley London”. Pak ditë më vonë, u shfaq me një fustan rozë, “Orla Kiely”, dhe s’vonoi me një tjetër veshje blu “Philosophy” nga Lorenzo Serafini.
Blu apo rozë, djalë apo vajzë? Bastvënësit anglezë tashmë kanë nisur punën.
Por, Kate Middleton, që me siguri e di gjininë e fëmijës, ka vendosur të luajë disi me veshjet, për të tejkaluar klishetë mbi ngjyrat.
