Deputeti i Partisë Socialiste Bledi Çuçi është përplasur mbrëmjen e së hënës në emisionin “Top Story” me kolegun e tij të Partisë Demokratike Eduard Halimi. Kuptohet që në qendër të debatit ka qenë tema “e nxehtë” e këtyre ditëve që lidhet me ish-ministrin e Brendshëm Saimir Tahiri. Përplasja ka përfunduar edhe në sulme personale. Deputeti socialist e pyeti Halimin se sa i kushtonte ora e tij e dorës sepse i dukej e shtrenjtë.
“As 200-250 euro, është markë Tissot… Ja, ta heq nga dora. Shihe markën! Është Tissot, 200 euro. Po syzet e tua sa kushtojnë?” – iu përgjigj Halimi që nuk mori përgjigje nga Çuçi. Kujtojmë se pas mbledhjes së Këshillit të Rregullores, Mandateve dhe Imunitetit në media dhe portale u shfaq çmimi i syzeve Maybach të Saimir Tahirit që sipas referencave në internet i kalonte 10 mijë eurot. ©LAPSI.al
