Për kreun e PD-së, Lulzim Basha vendimi i sotëm i mazhorancës për të mos lejuar arrestimin e Saimir Tahirit është provë se Edi Rama, Saimir Tahiri, Gramor Ruçi e të tjerë pushtetarë janë të lidhur me krimin e organizuar dhe drogën. Gjatë një konference për mediat në orët e mbrëmjes Basha tha u duk qartë se si Rama dhe Ruçi, u përpoqën me të gjitha forcat për të mbrojtur Tahirin,nga frika se mos pas Tahirit radhën e kishin ata.
“Edi Rama do ta mbrojë Saimir Tahirin deri në fund, siç u pa sot, ai, Ruçi dhe Xhafaj u kthyen në një repart logjistik të mbrojtjes së krimit dhe do të tentojnë të sulmojnë dhe blejnë këdo që do të sulmojë Tahirin. Sot Tahiri, Xhafa dhe vetë Rama ushtruan dhunë ndaj drejtësisë, duke treguar se kanë kërcënim serioz ndaj drejtësisë. Atyre do tu them se drejtësia mund të vonojë por nuk do të mungoj. As Tahiri, as Rama nuk do t’i shpëtojnë drejtësisë”, - deklaroi Basha. ©LAPSI.al
