Kreu i Partisë Demokratike, Lulzim Basha publikon mesazhin e një qytetari i cili thotë se punonjësit e Ministrisë së Brendshme po prishin provat për Tahirin me urdhër të kryeministrit Edi Rama dhe ministrit Xhafa. Sipas këtij personi drejtorët e MPB në shërbim të Tahirit dhe prishjes së provave, me urdhër të Xhafës dhe Ramës
Sipas SMS-së që publikon Basha, personi ne foto dhe video është Loran Sevi i cili aktualisht mban detyrën Drejtor i Planifikimit Strategjik në Ministrinë e Punëve të Brendshme.
Ky person duket qartë në video tek shoqëron ish-Ministrin “Saimir Tahiri” 3 ditë më parë kur ka qenë i ftuar në emisionin “Opinion” në studion e “TV Klan”. Sipas tij e gjithë Ministria e Punëve të Brendshme është vënë në dispozicion të ish-ministrit Tahiri për fshehjen e provave që kanë të bëjnë me hetimin e ngritur nga Prokurorisë së Krimeve të Rënda.
“Ministri aktual z. Fatmir Xhafa po i jep gjithë ndihmën dhe suportin e duhur ish Ministrit Saimir Tahiri për të dalë nga kjo situatë, sepse Tahiri e shantazhon me dosjen e të vëllait Agron Xhafaj për të cilën Tahiri ka prova të manipulimit shtetëror me ndihmën e z. Fatmir Xhafa” –thuhet në SMS.
