Pas përfundimit të mbledhjes së Këshillit të Mandateve, Imunitetit dhe Rregullores deputeti i PD-së, Enkelejd Alibeaj, tha se me rrëzimin e kërkesës për arrestimin e Tahirit “ky shtet është kapur përfundimisht nga mafia, dhe nuk lejojnë arrestimin e Tahirit”.
Ditën e mërkurë do të zhvillohet seanca e parë plenare pas mbledhjes së Këshillit të mandateve dhe do të diskutohen 2 raporte. Në një nga raportet socialistët do të mbrojnë hetimin dhe kontrollin e banesës së Tahirit, por jo arrestimin e tij. Në raportin e dytë që do të dorëzohet nga anëtarët e opozitës do të kërkohet ajo që është propozuar nga prokuroria.
