Ndërsa pritet t’i hiqet imuniteti Saimir Tahirit, jashtë Kryesisë së Kuvendit janë mbledhur disa dhjetëra simpatizantë të Partisë Socialiste.
Socialistët mbrojnë sot Kryetarin e degës së PS-së në Tiranë i akuzuar për trafik narkotikësh dhe për korrupsion pasiv. Tahiri, ministër prej tre vitesh e gjysëm dhe deputet prej tre legjislaturash do të arrestohet edhe me votën e partisë së tij, që ka paralajmëruar se do të votojë pro kërkesës së prokurorisë.
Tahiri akuzohet se ka bashkëpunuar, ka mbrojtur dhe ka marrë para nga banda e Habilajve, njëkohësisht kushërinj të tij, tashmë të arrestuar në Itali për trafik droge.
