Pas vendimit të Gramoz Ruçit për të shtyrë për nesër mbledhjen e Këshillit të Mandateve, Saimir Tahiri doli nga Kuvendi dhe këmbënguli para gazetarëve se nuk është parë gjë akoma.
Tahiri u shpreh se gazetarët duhet të bëjnë durim sikurse po bën ai vetë. Këtu ai përsëriti sërish shprehjen e Ramës, “…nuk keni parë asgjë akoma”.
“Jua thashë që s’keni parë gjë akoma, kur jua thashë ju duk si një mënyrë e mirë për të bërë cdo lloj historie, por e them prapë që nuk keni parë asgjë akoma, jua thashë bëni durim sic po bëj unë, besoni barrën e kam shumë më të madhe se ju po bëni durim.
E vërteta do dalë në dritë dhe nuk do voonojë shumë. Unë do jem i kënaqur kur e vërteta të dalë në dritë.” - u shpreh Tahiri para gazetarëve. ©LAPSI.AL
