Mbledhja e Këshillit të Mandateve ka vazhduar gati për tre orë duke sjellë edhe lodhjen e të pranishmëve në sallën e Kryesisë së Kuvendit.
Ka qenë ish-ministri Tahiri ai i cili në një moment i është drejtuar deputetit të PD-së Enkelejd Alibeaj me emrin Habilaj.
“Zoti Habilaj, më lejoni ta mbaroj”, - iu drejtua Tahiri deputetit Alibeaj duke shkaktuar të qeshura në sallën ku po mbahej mbledhja.
Tahiri është shfaqur i tensionuar gjatë gjithë mbedhjes dhe siç duket ka patur në kokë emrin Habilaj, emër të cilin e ka dëgjuar kaq shpesh dy ditët e fundit dhe për të cilin e akuzojnë se ka lidhje në trafikun e drogës.
