E fortë ka qenë deklarata e ish-miistrit të Brendshëm Dritan Demiraj, i cili u shpreh se ekziston një listë me 100 zyrtarë policie të përfshirë në trafik droge. Këtë deklaratë Demiraj e ka bërë në emisionin “360 Gradë” në Ora Neës, ku tha se ekziston një listë me 100 persona nga shërbimet e huaja të inteligjencës si të përfshirë në trafikun e drogës.
“Është e vërtetë që gjatë ushtrimit të detyrës jam njohur me një listë personash të kupolës së policisë e poshtë. Mbi 100 veta në kupolën e policisë. Ekziston një listë nga shërbimet e inteligjencës brenda shtetit dhe të huaja. Është e dërguar në prokurori.
Është një listë që janë përfshirë në dy vitet e fundit me trafikun e drogës. Lista është përgatitur në Shqipëri. Është kryesisht produkt shqiptar. Prokurorët e krimeve të rënda janë të demotivuar sot, pasi me reformën shkrihen. Në shumë raste kur prokuroria ka filluar hetimet, ka pasur presion të jashtëzakonshëm. Janë rrethuar gjykatat para dy tre vjetësh”, - tha Demiraj.
