Lulzim Basha sulmoi Fatmir Xhafajn pas akuzave që ky i bëri organit të akuzës duke e quajtur të përdorur politikisht. Basha paralajmëroi daljen e informacioneve të tjera për trafikun e drogës, që sipas tij pritet t’i vihen në dispozicion publikut.
“Opozita ka informacione të besueshme që do t’i vihen në dispozicion shumë shpejt publikut. Xhafaj dhe Rama të largohen nga detyra. Kanë marrë miliona euro ryshfet dhe dhurata për fushatë dhe vunë në dispozicion të krimit portet aeroportet dhe radarët ushtarakë. Ky është solidaritet i kupolës mafioze” u shpreh Lulzim Basha, që kërkoi largimin e Fatmir Xhafajt nga detyra dhe arrestimin e të vëllait të tij, Agron Xhafajt.
“Vepra e parë që duhet të bënte Fatmir Xhafaj ishte se duhej të arretsonte të vëllain, që drejtësia italiane e ka shpallur në kërkim. Xhafaj është një levë që Rama e përdor për t’i bërë presion prokurorisë, që tahiri t’ia hedhë” shpjegoi Basha.
