Dyshimet e Fatmir Xhafajt nëse duhej arrestuar apo jo Saimir Tahiri, nuk përbëjnë një shqetësim për Adriatik Llallën.
“Ish kryetari i Komisionit për Reformën në Drejtësi, nëse nuk është i qartë për ndryshime ligjoret, në Kushtetutë, në Kodin e Procedurës Penale, ky është problem i tij” u shpreh Adriatik Llalla që duket se do të vazhdojë me procedurën e prangosjes së Saimir Tahirit, pavarësisht shqetësimit të Fatmir Xhafës. Sipas Llallës, detyra e prokrorisë është të ndjekë nga afër të gjithë ata që kanë shkelur ligjin dhe t’i vërë para drejtësisë. Xhafaj tha se nga pikëpamja ligjore ai nuk sheh asnjë provë që mund të çojë në arrestimin e Tahirit, por se prokurorët po përdoren politikisht.
