Uashington Post: Zyra e prokurorit të përgjithshëm njofton se i ka kërkuar parlamentit t’i heqë imunitetin një ish-ministri të Brendshëm, që dyshohet se është i përfshirë në një rrjet trafiku droge.
Saimir Tahiri, i cili ishte ministër i Brendshëm deri në mars, tani është deputet i mazhorancës së Partisë Socialiste, që udhëhiqet nga Kryeministri, Edi Rama.
Prokurorët deklaruan të enjten se po hetojnë, në bashkëpunim me homologët e tyre italianë, një “grup kriminal që ka trafikuar sasi të mëdha kanabisi”.
Tahiri ka lidhje të largëta familjare me krerët e grupit kriminal që u arrestuan së fundmi në Itali.
Gjithashtu, të enjten u vendosën në pranga tre persona të tjerë dhe u sekuestruan katër ton kanabis në Shqipëri, në një rast që lidhet me arrestimet italiane.
Rama është zotuar të heqë Shqipërinë nga lista e vendeve më të mira të prodhimit të kanabisit deri në fund të këtij viti.
Përktheu LAPSI.AL
Titulli origjinal: Prokurori shqiptar kërkon të heqë imunitetin e ish-ministrit
