Mëngjesi i sotëm ka nisur me shkarkime të drejtorëve të policisë në Elbasan. Ka qenë vetë drejtori i policisë së shteti Haki Çako ai që e ka dhënë lajmin për mediat në një dalje publike.
Ndërkohë, në një lidhje telefonike me News24, gazetari Artan Hoxha deklaroi sot se operacioni i natës së kaluar në Vlorë është dekonspiruar. Hoxha tha se operacioni nuk përfundoi me sukses të plotë, pasi u kapën 4.5 ton drogë, por nuk pati arrestime. Sipas tij, ka pasur rrjedhje informacioni nga Prokuroria.
“Për ngjarjen e djeshme, operacioni i zhvilluar nga forcat Delta dhe Policia e Shtetit me mbështetjen e Prokurorisë së Krimeve të Rënda ka pasur një problematikë. Nuk është arritur sukses i plotë i operacionit, është kapur 4.5 ton drogë, por nuk ka të arrestuar. Dyshohet për një rrjedhje informacioni nga Prokuroria”, - tha Hoxha.
