Disa imazhe të personazheve të famshme që janë shpërndarë së fundi në internet na kanë bërë të gjithëve të qeshim. Por për fat të keq, këto foto nuk janë rasti i tyre. Për më tepër, askush nuk është në gjendje të shpjegojë se cili është qëllimi i kësaj.
Dikush mendoi se interneti do të argëtohej kur të shikonte që personazhet e njohur me ngjyrë të errët të lëkurës të kishin lëkurë të bardhë. A duken më bukur kështu?
Ky veprim i nisur për të argëtuar një pjesë të përdoruesve të internetit, në fakt ka bërë që në mediat sociale të shpërthejnë kritikat. Shpesh, personazhet e njohur me ngjyrë të errët, në kopertinat e revistave e kanë më të zbehtë ngjyrën e vërtetë të lëkurës, edhe për shkak të ndriçimit, kështu që nuk kanë nevojë për ta shtuar dozën e ngjyrës së bardhë, sepse kjo nuk është gjë tjetër veçse një deklaratë e hapur racizmi.
Një pjesë e mirë e fansave në rrjetet sociale, pasi kanë parë Rihanna-n dhe Beyonce-n me ngjyrë të bardhë, e kanë konsideruar të pajustifikueshme këtë lojë virtuale. Rihanna dhe Beyonce janë dy prej femrave më të bukura me ngjyrën e tyre, kështu që çdo tendencë tjetër për t’ua ndryshuar këtë nuk i bën ato më të bukura, përkundrazi i shëmton edhe më shumë.
Fansat e Rihanna-s i dolën në mbrojtje yllit të pop-it kur panë në Twitter, (@alexgracious) imazhin e saj me ngjyrë të bardhë të lëkurës, aq më tepër pas statusit: "Rihanna do të dukej shumë më e bukur nëse do të ishte e bardhë".
Nuk ishte nevoja që vetë Rihanna të thoshte gjë pas kësaj, sepse në vend të saj folën fansat, të cilët i dolën në mbrojtje artistes duke e konsideruar këtë status racist dhe fyes.
