Këngëtarja shqiptare ka korrur një tjetër sukses të rëndësishëm në karrierën e saj muzikore.
Ndërkohë që është tepër e ngarkuar me koncertet e saj dhe me setet fotografike për revistat më të rëndësishme në botë, Dua është vlerësuar me një tjetër çmim të rëndësishëm nga ceremonia e ndarjes së çmimeve “ASCAP”.
Ajo e ka ndarë me të gjithë fansat këtë lajm përmes një postimi të bërë në rrjetet sociale, duke shkruar: “Faleminderit “ASCAP” për çmimin “Vanguard”. Çfarë ceremonie e mrekullueshme”.
Dua momentalisht po shijon suksesin e projektit më të fundit muzikor “New Rules”.
