Drejtoresha e Ministrisë së Kulturës Arta Dollani është gjendur sot në emisionin 'Top Story' në pozicionin aspak të lakmueshëm të nënpunësve që duhet të mbrojnë mëkatet e shefave.
Ajo ka zënë në studio vendin e atyre që mbrojnë ndërtimin e një kafeneje brenda Parkut Kombëtar në Butrint.
Por znj. Dollani që deklaroi se ka mbaruar studimet për arkitekturë në Poloni nuk kishte argument përballë kritikave të Neritan Cekës dhe Auron Tares.
Ajo tha se po ndërtohej një kafene pasi turistët vinin me bukë me vete për vizitën tre orëshe dhe se ata nuk kishin të pinin një shishe ujë. Ajo në fakt përsërit fjalë për fjalë ato që kishte thënë ministrja Kumbaro në Parlament.
Por ish drejtori i Parkut të Butrintit për shumë vite, Tare, i tha se s'kishte parë kurë vizitorë me bukë me vete në qytetin antik. Drejtoresha mbeti pa fjalë përballë argumentave:
Po si mund të merret një leje pa miratimin e Këshillit të UNESCO-s, siç e kërkon marrëveshja me këtë organizëm? Po kush e vendos, nëse u dashka bërë kafe, restorant, apo hotel? Ministri apo specialistët?
Imazhin e drejtoreshës e rrënoi përfundimisht Neritan Ceka kur ju adresua: "Ju dhe ministrja juaj jeni injorantë, ngatërroni termat, nuk dini të dalloni as teatrin nga amfiteatri".
