Ka reaguar ministry ynë i jashtëm, Ditmir Bushati pas deklaratve të Athinës zyrtare një ditë më parë, lidhur me miratimin e ligjit të pakicave kombëtare. Bushati është përgjigjur duke i kujtuar homologut të tij Kotzias se është kërkuar një model prej tij.
“Të gjithë kolegëve, qofshin këta fqinj apo jo, përfshirë edhe Greqinë, gjatë këtyre dy viteve e gjysmë punë që është bërë për hartimin e këtij ligji, i kam kërkuar që të na parashtrojnë gjithashtu eksperiencën e vendeve të tyre. Ne kemi qenë dhe mbetemi të hapur për të studiuar çdo lloj modeli për pakicat, duke përfshirë edhe modelin grek, nëse një i tillë ekziston”, - tha Bushati.
Kreu i diplomacisë shqiptare i është përgjigjur dhe presidentit grek, i cili e cilësoi “amatorizëm ndërkombëtar” lëvizjen e Shqipërisë.
“Amatorizimi kam frikë se duhet kërkuar nëpër kryeqytetet e vendeve të tjera, por kurrësesi në Shqipëri”, - shtoi Bushati.
