Lulzim Basha deklaroi se Partia Demokratike do të kundërshtojë dhe luftojë që të mos futet skema e TVSH-së për biznesin e vogël.
Këtë premtim, Basha ia dha disa familjeve në Paskuqan. Sipas tij, kjo taksë do t’i detyrojë këto biznese të ngrejë çmimet, ndërkohë që edhe me këto çmimë mezi e mbyllin muajin.
Postimi i Lulzim Bashës:
Biznesi i vogël me të cilën mbahen mijëra familje në zonën e Paskuqanit e quan shkatërruese futjen në skemën e TVSH-së. Rrit kostot, dhe do ti detyrojë ata të ngrenë çmimet. Edhe me çmimet aktuale, shprehen ata, mezi e mbyllin muajin. Unë i garantova se Partia Demokratike do të kundërshtojë dhe do të luftojë që kjo të mos ndodhë. I ftova të bashkohen në këtë betejë, për të mos lejuar këtë çmenduri të qeverisë që sjell falimentimin e biznesit të vogël dhe rritjen e çmimeve dhe kostos së jetesës për gjithë qytetarët.
