Edi Rama mori një shprehje të Lulzim Bashës si shembull për ta degraduar fjalimin e tij në parlament në një tallje dhe ironi. “Peshkatari është peshku më i madh” tha Lulzim Basha ndërsa fliste në parlament. Duke e zhveshur nga konteksti shprehjen, kryeministrit iu kujtua Nard Ndoka.
“Ai duhet ta hedhi në gjyq Lulzim Bashën për të drejtën e autorit të kësaj shprehjeje filozofike” tha Rama. Në replikën që i bëri Edi Ramës, Basha tha se ishte keqkuptuar, "Ti je peshku i madh, nuk je peshkatari". Vetë Nard Ndoka është ngritur për të folur në parlament pasi u ngacmua nga Edi Rama. "Edi Rama është nën efektin e kokainës" u shpreh Nard Ndoka që kur pa se Edi Ramës i pëlqenin shprehjet e tij, e krijoi një të tillë aty për aty: Kush pi kokainë, kruhet edhe nxihet!
Nard Ndoka vuri në dukje se Edi Rama kishte pirë 6 shishe ujë deri tani në parlament dhe sipas tij, kjo ishte pasojë e konsumit të dozave të kokainës.
