Presidenti i Rusisë Vladimir Putin tashmë do të ketë një vilë të re super luksoze pushimi në një ishull në gjirin e Vyborg, rreth 12 milje nga kufiri rus me Finlandën.
Shtëpia ka brenda një pishinë madhështore, sauna, sallë bilardoje, disa dhoma gjumi, një sallë studimi, mobilje të shtrenjta e të tjera gjëra luksi.
Sipas mediave ruse pishina në brendësi është ndërtuar me pllaka të arta.
Villa Sellgren u ndërtua fillimisht para Revolucionit Rus në 1913 nga arkitekti i njohur finlandez Uno Ullberg.
Së fundi kjo vilë u restaurua plotësisht, siç thonë mediat ruse sipas shijeve të Vladimir Putinit.
