Tre nga pjesmarrëset ne panelin e përvjetorit të Opinion, i kanë bërë një surprizë të keqe njëra tjetrës. Natyrisht pa e ditur. Të mbledhura për të diskutuar veshjen në 20 vite emision, të ftuarat e Fevziut bënë xing me veshje të kuqe. Arlinda Dudaj zgjodhi një fustan konservativ me mëngë treçerekshe në material tyl.
Të njëjtën zgjodhi edhe Viola Spiro, vetëm se pa pjesën koservative. Tyli dhe ngjyra ishin njësoj.
Edhe psikologia Jorida Rustemi zgjodhi të kuqen. Me një fustan me prerje simetrike, të mbledhur në gjoks dhe të gjatë deri tek këmbët, ajo kompletoi treshen e të kuqeve.
Ishte fat për Fevziun që në studio gjendeshin edhe Irena Kita, Fjodora Fjora dhe Suada Sheri. Irena zgjodhi një trupore të zezë, Fjodora xhinse dhe një bluzë, ndërsa Suada me një fustan të ngushtë të perltë, e thyen disi mbretërimin e së kuqes.
