2 vjet pa patentë dhe 100 orë punë në shërbimet publike në 12 muajt e ardhshëm. Është ky vendimi i gjykatës për “një farë” Wayne Rooney i arrestuar nga policia në gjendje të dehur në timon. Sulmuesi i Everton u ndalua nga policia në natën mes 1 dhe 2 shtatorit në Wilmsloë në makinën e një vajze të re. Sot gjykata e Stockport vendosi edhe një gjobë prej 170 stërlina. Në testin e alkoolit ai rezultoi në nivelin 105, tre herë më shumë se limiti 35 i kodit rrugor në Angli dhe Uells. Para gjykatës ai e pranoi fajin dhe pas seancës lëshoi edhe një deklaratë ku kërkonte falje publikisht.
“Ishte një sjellje e padenjë dhe e gabuar. I kam kërkuar ndërkohë ndjesë familjes sime, trajnerit dhe Presidentit të Everton. Tani dua tju kërkoj falje tifozëve që më kanë mbështetur në karrierën time të gjatë. Natyrisht që e pranoj dënimin dhe do të punoj në komunitet për ta shlyer atë” – thuhet në deklaratën e Rooney.
Mbetet të mësohet nëse e ka falur gruaja e tij që është shtatzënë me fëmijën e katërt të tyre pasi mësoi se bashkëshorti i saj gjendej në makinën e një femre tjetër. /lapsi.al/.
