Tirana fiton 1-0 sfidën e javës së parë të Kategorisë së Parë në Grupin B, atë kundër Ilirisë në “Selman Stërmasi”. Goli i vetëm për bardheblutë u shënua nga Maveje në minutën e 80-të. Tirana vuajti shumë për të gjetur golin, ndërsa për t’u veçuar ishte edhe sjellja e tifozëve në shkallët e stadiumit, të cilët gjatë gjithë ndeshjes kanë kontestuar presidentin e klubit kryeqytetas, Refik Halili. Në pushim mes pjesëve, disa tifozë të Tiranës u shoqëruan nga policia pas kundërshtimit të forcave të rendit, në momentin që ishin duke hedhur shashka dhe tymuese.
