Jo vetëm shenja blu, pasi pas pak WhatsApp, rrjeti i komunikimit në pronësi të Facebook do të nxjerrë edhe shenjat të jeshile. Kjo e re që do të ofrohet në azhurnimin e radhës do t’ju japë mundësi të mbroheni nga mashtrimet në këtë rrjet.
WhatsApp është duke e testuar këtë risi me disa nga kompanitë e mëdha të biznesit që kanë profile në këtë rrjet.
Simboli jeshil nuk do të shfaqet pranë mesazhit apo pranë numrit, por pranë emrit apo numrit që po ju kontakton. Kompanitë e mëdha dhe serioze duhet të regjistrohen në WhatsApp në mënyrë që ai t’i njohë dhe t’u japë mundësinë që ato të prezantohen në mënyrë sa më dinjitoze.
Kjo risi vjen për të mbrojtur klientët nga profile false që përdorin emrin e kompanive të mëdha për të mashtruar përdoruesit. Shenjat e njohjes së kompanive apo personave përdorej prej kohësh edhe nga Facebook, Instagram dhe Twitter./lapsi.al/
