Laura Simpson është gruaja që duket se po prish martesën 9 vjeçare të ish-kapitenit të Anglisë Wayne Rooney. Kuptohet jo e gjitha për faj të saj. Mediat kanë zbuluar se ishte ajo në makinë me ish-futbollistin e Manchester United kur u arrestua pak ditë më parë i dehur në timon. 29-vjeçarja, nënë e një fëmije e ka pranuar se ka qenë në makinë me 31-vjeçarin e famshëm.
Sapo ka mësuar këtë lajm bashkëshortja e futbollistit Coleen Rooney është larguar nga shtëpia bashkë me 3 fëmijët e tyre. Historia vjen në momentin kur ajo është sërish shtatzënë për një fëmijë të katërt. Në një intervistë për “The Sun”, Simpson i është drejtuar bashkëshortes së Rooney duke i kërkuar të mos kërkojë divorcin, citon lapsi.al.
“Në ato momente nuk po mendoja për gruan e tij dhe as ai për martesën e tij. E shoh që duket keq, por i kërkoj asaj që të mos nevrikoset me mua dhe me atë. E kuptoj që është nevrikosur pas arrestimit të tij në timonin e makinës sime. Ishte një gabim që bëmë ndoshta për shkak të alkoolit. Asgjë nuk ndodhi edhe pse drejt asaj po shkonim. Ajo që bëmë ishte vetëm pak qejf i padëmshëm” - tha Simpson. /lapsi.al/
(Coleen Rooney)
(Laura Simpson)
(Rooney pas daljes nga komisariati pas arrestimit)
