Argjentina barazoi 0-0 me Uruguain në një sfidë mjaft të rëndësishme për eliminatoret e botërorit të Rusisë. Siç dihet në këtë sfidë të luajtur në Montevideo ishte e pranishme edhe familja Icardi. Sulmuesi i Interit u rikthye në kombëtare pas një mungese të gjatë ndërsa në tribunë e shoqëronte bashkëshortja dhe njëkoheshiht menaxherja e tij Wanda Nara. “Mundo Deportivo” shkruan se biondja është përfshirë në një skandal pasi ka rënë pre e ngacmimeve nga tifozët vendas. Përveç batutave dhe ngacmimeve me fjalë duket se dikush ka përdorur edhe duart në momentin që ajo ka dalë nga stadiumi. Ajo ka kërkuar të ulet në tribunën VIP bashkë me ish-futbollistin uruguaian Diego Forlán. Gazeta shkruan se stafi nuk e ka njohur bionden dhe e ka detyruar të ulet në tribunën me pagesë. Vetë Wanda thotë se asgjë nuk ka ndodhur duke u munduar të largojë thashethemet për këtë çështje. /lapsi.al/
