Edhe raundi i tretë i negociatave mes BE-së dhe Britanisë së Madhe nuk ka shënuar progres të mirëfilltë.
Kryenegociatori i BE, Michel Barnier, pranoi haptazi në një konferencë të përbashkët për shtyp, mungesën e besimit mes palëve. Më parë ai kishte akuzuar negociatorin e Londrës, David Davis, për një lloj "nostalgjie" në trajtimin e çështjes.
Debati ka të bëjë me faturën që Britania do të duhet të paguajë kur të largohet nga blloku i vendeve të BE. Kryenegociatori i BE tha gjithashtu se është e paqartë nëse bisedimet mbi marrëdhëniet e ardhshme të Britanisë me BE-në do të kenë ritmin e tanishëm të progresit.
Barnier shtoi se pavarësisht gjithçkaje, janë bërë disa sqarime të dobishme mes palëve. Por, këto sqarime nuk prekin çështjet kryesore.
