Kulla ‘Eiffel’ në Paris është evakuuar, pasi një person i dyshimtë ka alarmuar policinë.
Në rrjetet sociale qarkullojnë disa foto ku shihen forcat policore që rrethojnë monumentin e kryeqytetit francez. Ndërkohë, disa turistë thuhet se ishin mbyllur në një ashensor. ‘Tgcom’ shkruan se një person është arrestuar nga policia, por nuk jepen shumë detaje.
Panik është përhapur edhe në terminalin ‘Eurostar’ në stacionin “Gare du Nord’, ku thuhet se një prej terminaleve është evakuuar, ndërsa arsyet nuk dihen. Sakaq, thuhet se pasagjerët e terminalit kanë ngelur të bllokuar. Ndërkohë, në faqen e Eurostar në Tëitter shkruhet se: “Na vjen keq, por për shkaqe sigurie duhet të përsëriten kontrollet tek udhëtarët”, shkruan ‘Daily Star’.
