Barcelona vijon formën e mirë në La Liga, pavarësisht mungesës së Luis Suarez he largimit të Neymar.
Të besuarit e Ernesto Valverdes morën 3 pikë duke mundur Alaves 0-2 falë magjisë së Leo Messit, që shënoi në minutat 55’ dhe 66’.
Ky rezultat mund të ishte më i thellë nëse 5 herë fituesi i “Topit të Artë” nuk do ta kishte humbur një penallti në pjesën e parë.
Me këto dy gola, Messi shkoi në kuotën e 351 golave në La Liga në vetëm 384 ndeshje, duke u bërë lojtari i dytë në 5 ligat evropiane që arrin një shifër të tillë me të njëjtin klub.
I pari është Gerd Müller me 365 gola në Bundesligë me Bayern Munich.
Në këtë ndeshje debutoi edhe blerja e re, Paulinho.
