Donald Trump është vënë edhe njëherë në qendër të polemikave pas postimeve në Twiter dhe deklaratave të tij të buta ndaj grupimeve raciste, naziste dhe të "bardhëve superiorë" pas manifestimeve të të cilëve mbeti e vdekur një vazë e re dhe u plagosën rreth 20 të tjerë. Deklaratat e Trump u bënë pas përleshjeve të së shtunës së shkuar në Charlottesvilles të Virxhinisë. Ajo që ndodhi ishte tragjike. Këtë ditë krahu më ekstrem dhe racist i së djathtës amerikane së bashku me antarë të Ku Klux Klanit të armatosur rëndë pas disa ditësh proteste vendosë të bëjnë një demostrim force në Charlottesville. Preteksti ishte ruajtja e statujës së Robert E. Lee, një heroi jugor të luftës civile që bashki kishte vendosur ta hiqte.
Statuja e rrezuar pas protestave e Robert E. Lee
Por kjo turmë, e cila ndihet e inkurajuar pas zgjedhjes së Trump në presidencë- sic shkruan në editorialin e saj gazeta franceze Le monde - pas një përplasjeje të fortë me militantët antiracistë, prodhoi një tragjedi. Një manifestues i ektremit të djathtë hyri me makinë në turmë duke vrarë një grua të re dhe duke plagosur rreth 20 manifestues të tjerë.
Por përpos kësaj fatkeqësie një pjesë e mirë e amerikanëve kanë mbetur të tronditur nga qëndrimi që mbajti presidenti i tyre. në fillim menjëherë pas ngjarjes Donald Trump postoi në Twiter një mesazh ku fajësonte disa palë. Por një mesazh i dytë nga kulla e tij në New York qe dhe më i fortë. Presidenti gjykonte se "gabimet qenë të dy anshme" duke vënë shenjën e barazimit mes grupimeve ekstremiste dhe Ku Klux Klanit nga një anë dhe manifestuesve antiracistë në krahun tjetër.
Foto e manifestimeve anti Trump ku kryqi i thyer formohet me numrin 45 si numri i presidentit te 45 te ShBA Trump
Dhe pikërisht kjo qasje është sipas editorialit të gazetës Le monde një provokim i pa precedent. "Ai u zgjodh duke lundruar mbi emocionet e supremacisë të të bardhëve që nuk e durojnë dot një amerikë gjithnjë e më shumë multietnike. Dhe ai po vazhdon të përdorë të njëjtat mjete për të qeverisur vendin" shkruan e përditshmja franceze e lexuar nga lapsi.al. Por konkluzioni i Le Monde është i hidhur: "Ai kujton se e ka mirë, por në fakt po bën shumë keq" është konkluzioni i editorialit të gazetës franceze të referencës. (Lapsi.al)
