Politika agresive e luftës kundër drogës e Presidentit të Filipineve, Rodrigo Duerte, vazhdon të njollosë rrugët e vendit me gjakun e shpërndarësve ose poseduesve të lëndëve narkotike.
21 persona të akuzuar për krime lidhur me drogën u vranë gjatë 24 orëve të fundit në Filipine.
Kjo betejë u nis nga Presidenti Rodrigo Duterte, në korrik të vitit të kaluar. Ai erdhi në pushtet me premtimin se do të zhdukte përfundimisht fenomenin e drogës në Filipine, e cilësuar si plaga më e madhe sociale e këtij vendi.
Ky aksion vjen pas një sërë operacionesh antidrogë, të zhvilluara në pjesë të ndryshme të provincës së Bulacan.
Me ultimatumin për të dorëzuar drogën ose ndryshe ekzekutohesh, Duerte është kthyer në shënjestër nga liderët e fuqive të mëdha botërore dhe organizatave të të drejtave të njeriut. /LAPSI.AL/
